کینیا: مسافر بس کو حادثہ،34 افراد ہلاک،11زخمی

افریقی ملک کینیا میں مسافر بس پُل سے 40 میٹر نیچے دریا میں جا گری، حادثےمیں 34 افراد ہلاک اور 11 زخمی ہوگئے۔

غیر ملکی میڈیا کے مطابق یہ واقعہ تھراکا نیتی کاؤنٹی میں اتوار کی شام کو پیش آیا، جب میرو شہر سے ممباسا جانے والی مسافر بس  پُل سے الٹ کر 40 میٹر نیچے دریا میں گرگئی۔

 مقامی حکام کے مطابق ہلاک ہونے والوں میں 14 خواتین، 18 مرد اور 2 بچیاں شامل ہیں۔

 ابتدائی تحقیقات کے مطابق بس موڑ کاٹتے ہوئے بریک فیل ہونے پر حادثے کا شکار ہوئی۔

کینیا کے قومی ادارہ شماریات کے اعداد و شمار کے مطابق 2021 میں کینیا میں ٹریفک حادثات میں 4 ہزار 579 افراد ہلاک ہوئے تھے۔

Read Previous

ترکیہ دہشت گردی کے معاملے پر کبھی سمجھوتہ نہیں کرئے گا،صدر ایردوان

Read Next

ڈپٹی اسپیکر پنجاب اسمبلی کی رولنگ کالعدم، چوہدری پرویز الہٰی وزیراعلیٰ پنجاب بن گئے، سپریم کورٹ

Leave a Reply