امریکہ نے بھی پی آئی اے پر پابندی عائد کر دی

امریکہ کے محکمہ ٹرانسپورٹ نے پاکستان کی قومی فضائی کمپنی پی آئی اے کے جہازوں کی امریکہ آمد پر پابندی عائد کر دی ہے۔ امریکہ نے کہا ہے کہ پاکستان کے وزیر ہوا بازی کے اس بیان کے بعد کہ کئی پاکستانی پائلٹس کے پاس جعلی ڈگریاں ہیں پی آئی اے پر پابندی عائد کی جا رہی ہے۔

پاکستان کی سول ایوی ایشن اتھارٹی نے گذشتہ ماہ قریباً ایک تہائی پائلٹس کو گراؤنڈ کر دیا تھا کیونکہ ان کے متعلق شکوک و شبہات ہیں کہ ان کے پاس جعلی ڈگریاں ہیں۔ اس سے پہلے یورپین یونین نے پی آئی اے پر چھ ماہ کیلئے پابندی عائد کی تھی۔ پی آئی اے نے بھی امریکہ کی طرف سے پابندی عائد کرنے کی تصدیق کر دی ہے۔

Web Desk