Sehar Naseer 
ترکیہ کے انوائرمنٹ ویک کے موقع پر 9 نیشنز گارڈنز کی افتتاحی تقریب میں ویڈیو کانفرنس کے ذریعے خطاب کرتے ہوئے صدر ایردوان نے کہا کہ گزشتہ 21 سالوں میں، "ہم نے اب تک 6.5 بلین پودے لگائے اور آج ہم 90 لاکھ پودے لگائیں گے۔”
صدر ایردوان کا کہنا تھا کہ ہمارا فرض ہے کہ ہم اپنی زمین، سمندروں اور دریاؤں کو فضلے کے کامیاب انتظام کے ساتھ محفوظ رکھیں، اور ان جگہوں کو جہاں ہم رہتے ہیں، ماحول دوست عمارتیں بنا کر فطرت کے مطابق خوشحال بنائیں۔
صدر ایردوان نے کہا کہ ان کی حکومت فطرت کے تحفظ کے لیے کوشاں ہے اور "ہمارے معاشرے میں ماحولیاتی بیداری کے لیے سخت محنت کر رہی ہے۔”
انہوں نے کہا کہ ایک نئے حکم نامے کے تحت جس پر انہوں نے دستخط کیے ہیں، 5 جون کو "صاف دنیا، صاف سمندر” کے تھیم کے تحت ترکیہ ماحولیاتی ہفتہ کے طور پر منایا جا رہا ہے۔
ترکیہ کے زیرو ویسٹ اقدام پر، صدر ایردوان نے کہا کہ اس اقدام کے بنیادی اہداف، جو انہوں نے پانچ سال پہلے شروع کیے تھے، پلاسٹک کی آلودگی کو روکنا ہے۔
2017 میں، خاتون اول امینہ ایردوان کی سرپرستی میں، ترکیہ نے موسمیاتی بحران سے لڑنے کے لیے فضلہ کے خاتمے کی اہمیت کو اجاگر کرنے کے لیے صفر فضلہ کے منصوبے کا آغاز کیا۔
اس منصوبے کو بین الاقوامی سطح پر سراہا گیا ہے، اقوام متحدہ کے سربراہ انتونیو گوتیرش نے گزشتہ ستمبر میں نیویارک میں ایک کانفرنس کے دوران امینہ ایردوان سے اظہار تشکر کیا تھا۔
گزشتہ دسمبر میں، اقوام متحدہ کی جنرل اسمبلی نے متفقہ طور پر ترکیہ کی طرف سے پیش کردہ صفر فضلہ اقدام پر ایک قرارداد منظور کی، جس میں 30 مارچ کو صفر فضلہ کا عالمی دن قرار دیا گیا۔
صفر فضلہ کے اقدام کے ساتھ، ترکیہ میں ری سائیکلنگ کی شرح 2017 میں 13 فیصد سے بڑھ کر 2022 میں 30 فیصد تک پہنچ گئی، صدر ایردوان نے مزید کہا کہ فضلہ اور ری سائیکلنگ سے متعلق آگاہی کو فروغ دینے کی کوششیں جاری رہیں گی۔
