ترکیہ نے شمالی صوبہ نینویٰ میں شادی کی تقریب میں لگنے والی آگ پر عراق سے تعزیت کا اظہار کیا۔
ترک وزارت خارجہ نے "افسوسناک واقعے” میں جان سے ہاتھ دھونے والوں کے اہل خانہ سے تعزیت کی ہے۔
انکا کہنا تھا کہ ہم زخمیوں کی جلد صحت یابی کی بھی خواہش کرتے ہیں۔
مقامی حکام نے بتایا کہ شادی کی تقریب میں آگ لگنے سے کم از کم 100 افراد ہلاک ہو گئے۔
مقامی میڈیا نے بتایا کہ آگ میں مزید 500 افراد زخمی ہوئے، جو موصل شہر کے جنوب مشرق میں الحمدانیہ ضلع کے الحیثم ویڈنگ ہال میں لگی۔
اطلاعات کے مطابق جب آگ لگی تو شادی ہال میں 800 افراد موجود تھے۔
میڈیاکا کہنا ہے کہ آگ آتش بازی، موم بتیاں اور تقریب کے دوران استعمال ہونے والے دیگر سامان کی وجہ سے لگی۔
آس پاس کے صوبوں سے فائر بریگیڈ اور ایمبولینسیں علاقے میں روانہ کر دی گئیں۔
وزیر داخلہ عبدالامیر الشماری نے بھی خطے کا دورہ کیا۔
دولہا اور دلہن کے رقص کے دوران آگ لگنے کی فوٹیج سوشل میڈیا پر بڑے پیمانے پر گردش کر رہی تھی، جس میں لوگوں کو گھبراہٹ میں بھاگتے ہوئے بھی دکھایا گیا تھا۔
