سَر سے جُڑے دو تُرک جڑواں بچوں کا لندن میں کامیاب آپریشن

تُرکی میں ایک سال پہلے خاتون کے ہاں جڑواں بچوں کی پیدائش ہوئی لیکن دونوں بچے کبھی بھی ایک دوسرے کو دیکھ نہیں سکتے تھے کیونکہ دونوں کے سر ایک دوسرے کے ساتھ جُڑے ہوئے تھے۔

تُرک صدر طیب اردوان اور ان کی اہلیہ ایمن اردوان کی مداخلت کے بعد خاتون کو بچوں سمیت لندن بھیجا گیا جہاں ایک کشمیری ڈاکٹر نے مختلف آپریشنز کے بعد دونوں کے سر ایک جدا کر کے انہیں علیحدہ کر دیا۔

صدر طیب اردوان کے آفس سے جاری کئے گئے بیان میں کہا گیا ہے کہ ایک کشمیری سرجن کی سربراہی میں 42 ڈاکٹروں کی ٹیم نے تُرک جڑواں بچوں کو ایک دوسرے سے علیحدہ کرنے کیلئے آپریشن کیا۔ اس ٹیم میں دو تُرک ڈاکٹرز بھی شامل تھے۔

جب یہ بچے پیدا ہوئے ان کے چہرے ایک دوسرے کے مخالف سمت میں تھے اور ان کے سر آپس میں جڑے ہوئے تھے۔