ترکی کے تاریخی ڈرمہ سیریل ارطغرل غازی کے اردو یوٹیوب چینل پر دس ملین سبسکرائیبر مکمل ہو گئے ۔
ٹی آر ٹی ورلڈ نیوز چینل کے ڈائریکٹر ریاض نے ٹویٹر پیغام میں بتایا کہ ” ہم نے یوٹیوب پر اپنے ارطغرل اردو چینل پر 10 ملین سے زیادہ سبسکرائیبرز حاصل کر لیے ہیں۔ دنیا بھر میں ہمارے مداحوں اور اس کامیابی میں ساتھ دینے والوں کا شکریہ۔ ابھی تو ہم نے شروعات کی ہے”
ان کا کہنا تھا کہ ارطغرل ورلڈ چینل کے 15 ملین سبسکرائیبرز ہیں جن میں مختلف زبانیں بولنے والے افراد شامل ہیں۔ جبکہ 3 بلین سے زیادہ بار اسے دیکھا جا چکا ہے۔
ٹی آر ٹی اس ڈرامہ سیریل کے اردو ترجمہ کے لیے پاکستان کے سرکاری نشریاتی ادارے پاکستان ٹیلی ویژن (پی ٹی وی) کے ساتھ مل کر کام کر رہا ہے تا کہ پاکستان اور دنیا بھر میں اردو بولنے والے اس سے لطف اندوز ہو سکیں۔
گذشتہ سال وزیر اعظم عمران خان کے ترکی کے دورہ کرنے کے بعد پی ٹی وی نے سیریز کو اردو میں ڈب کیا۔
