صدر ایردوان اور ان کے روسی ہم منصب ولادیمیر پیوٹن نے روس کے ساحلی شہر سوچی میں ملاقات کی۔
ملاقات میں صدر ایردوان موجودہ علاقائی اور عالمی مسائل کے ساتھ ساتھ پیوٹن کے ساتھ دو طرفہ تعلقات پر بات چیت کریں گے۔
17 جو لائی کو، روس نے ترکیہ اور اقوام متحدہ کی ثالثی میں ہونے والے معاہدے میں اپنی شرکت کو معطل کر دیا تھا تاکہ یوکرین کی تین بحیرہ اسود بندرگاہوں سے اناج کی برآمدات دوبارہ شروع کی جا سکیں جو فروری 2022 میں شروع ہونے والی یوکرین جنگ کے بعد روک دی گئی تھیں۔
ماسکو نے شکایت کی ہے کہ مغرب نے روس کی اپنی اناج کی برآمدات کے حوالے سے اپنی ذمہ داریاں پوری نہیں کی ہیں اور یوکرائنی اناج ضرورت مند ممالک کو نہیں جا رہا ہے۔
اس کا کہنا ہے کہ ادائیگیوں، لاجسٹکس اور انشورنس پر پابندیاں اس کی ترسیل میں رکاوٹ ہیں۔
اپنے اناج اور کھاد کی برآمد کے لیے روس کے مطالبات کو پورا کرنے کی اہمیت کی تصدیق کرتے ہوئے، ترکیہ کا کہنا ہے کہ اس اقدام کا کوئی متبادل نہیں ہے۔
انقرہ جولائی 2022 کے معاہدے کی بحالی کے لیے شدید سفارتی کوششیں کر رہا ہے اور اس نے کیف اور ماسکو سے بھی بات چیت کے ذریعے جنگ ختم کرنے کا مطالبہ کیا ہے۔
جولائی میں، صدر ایردوان نے اپنے یوکرائنی ہم منصب ولادیمیر زیلینسکی سے استنبول میں ملاقات کی تاکہ معاملات پر بات چیت کی جا سکے۔
