صدر ایردوان نے دارالحکومت انقرہ میں آذربائیجان،ازبکستان اور کرغزستان کے رہنماوں سے ترک ریاستوں کی تنظیم کے غیر معمولی سربراہی اجلاس سے قبل ملاقات کی۔
صدر ایردوان نے صدارتی احاطے میں آذربائیجان کےصدر الہام علی یوف، ازبکستان کے صدر شوکت مرزییووف اور کرغزستان کے صدر جاپاروف کے ساتھ الگ الگ بند کمرے میں ملاقاتیں کیں۔
ملاقاتوں کے بارے میں مزید معلومات جاری نہیں کی گئیں۔
جمعرات کے اجلاس جس میں آفات اور ہنگامی انتظام اور انسانی امداد پر توجہ دی جائے گی، رہنما آفات کے خلاف جنگ میں تنظیم کے حصے کے طور پر ٹھوس کثیرالجہتی تعاون اور رابطہ کاری کے طریقہ کار پر تفصیل سے روشنی ڈالیں گے اور خطے میں موجودہ چیلنجز پر مشاورت کریں گے۔.
ترک ریاستوں کی تنظیم، جسے پہلے ترک کونسل کہا جاتا تھا، ایک بین الاقوامی تنظیم ہے جو ممتاز آزاد ترک ممالک پر مشتمل ہے جو آپس میں تعلقات اور اتحاد کو بلند کرنے کے لیے مل کر کام کرتی ہے۔
اس کے ارکان ترکیہ، آذربائیجان، قازقستان، کرغزستان اور ازبکستان ہیں۔
یورپی یونین کے رکن ملک ہنگری، ترکمانستان اور ترک جمہوریہ شمالی قبرص کو مبصر کا درجہ حاصل ہے۔
