Sehar Naseer 
صدر ایردوان نے فلسطینی صدر محمود عباس اور حماس گروپ کے سیاسی سربراہ اسماعیل سے ملاقات کی۔
یہ ملاقات دارالحکومت انقرہ کے صدارتی کمپلیکس میں ہوئی جسکی تفصیلات میڈیا کے ساتھ شیئر نہیں کی گئی۔
منگل کے روز، صدر ایردوان اور عباس نے دارالحکومت انقرہ کے صدارتی کمپلیکس میں دو طرفہ تعلقات، فلسطین اسرائیل کے مسئلے اور دیگر علاقائی اور بین الاقوامی پیش رفت پر بات چیت کے لیے ون آن ون ملاقات کی۔
بدھ کو ہونے والی ملاقات کے دوران صدر ایردوان نے اسرائیلی سکیورٹی فورسز اور آباد کاروں کے حملوں میں ہلاک ہونے والے فلسطینیوں کے لیے تعزیت کا اظہار کرتے ہوئے زخمیوں کی جلد صحت یابی کی خواہش کی۔
فلسطینی عوام کے اتحاد اور یکجہتی کی اہمیت کی طرف اشارہ کرتے ہوئے صدر ایردوان نے کہا کہ جو لوگ امن عمل کو نقصان پہنچانا چاہتے ہیں وہ فلسطینی تقسیم سے فائدہ اٹھاتے ہیں۔
صدر ایردوان نے اس بات پر زور دیا کہ ترکیہ نے غزہ کی پٹی پر مسلط اسرائیلی ناکہ بندی کو قبول نہیں کیا، انہوں نے مزید کہا کہ انقرہ مقبوضہ مشرقی یروشلم اور مسجد اقصیٰ میں پیش رفت پر گہری نظر رکھے ہوئے ہے۔
انقرہ اسرائیل فلسطین تنازعہ کے دو ریاستی حل کی پرزور حمایت کرتا ہے، جس میں مشرقی یروشلم کے دارالحکومت کے طور پر ایک فلسطینی ریاست کا قیام بھی شامل ہے۔
