ترک پارلیمنٹ نے ایک مشترکہ بیان کا اعلان کیا ہے جس میں 1995 کے سریبرینیکا کی نسل کشی کی مذمت کی گئی ہے۔
قانون سازوں نے ایک بیان میں کہا ہےکہ ہم خلوص دل سے ان شہداء کے ناقابل بیان درد میں شریک ہیں جو ایک ایسے ظلم و ستم میں مارے گئے جو دوسری جنگ عظیم کے بعد سے یورپ میں نہیں دیکھے گئے۔
پارلیمان میں موجود تمام ترک سیاسی جماعتوں نے سریبرینیکا نسل کشی کی 28 ویں برسی کے موقع پر نسل کشی کے متاثرین کے سوگوار خاندانوں کے ساتھ ساتھ تمام بوسنیائی عوام کے ساتھ ہمدردی کا اظہار کیا، جسے انہوں نے انسانی تاریخ کے سیاہ ترین بابوں میں سے ایک قرار دیا۔
جولائی 1995 میں بوسنیا کے مشرقی قصبے سریبرینیکا کے اقوام متحدہ کے "محفوظ علاقے” پر بوسنیائی سرب فورسز کے حملے کے بعد 8,000 سے زیادہ بوسنیائی مسلمان مرد اور لڑکے مارے گئے۔
