ترکیہ کی بری فوج کے کمانڈر نے دورے کے دوران صدر پاکستان آصف علی زرداری سے ملاقات کی جس میں دفاعی تعاون سے متعلق امور پر تبادلہ خیال کیا گیا۔
صدر پاکستان آصف علی زرداری نے کہا کہ ترکیہ نے ہمیشہ بنیادی مسائل پر پاکستان کی حمایت کی ہے ہمیں زراعت ، تعلیم ، فن اور ثقافت کے شعبوں میں تعاون کو فروغ دینا ہو گا ۔
ترکیہ بری افواج کے کمانڈر نے پاکستان کے ساتھ دفاعی تعاون مزید بہتر بنانے کی خواہش کا اعادہ کیا اور کہا کہ دونوں ممالک علاقائی امن و استحکام کے فروغ میں نمایاں کردار ادا کر سکتے ہیں۔
صدر پاکستان نے جنرل بائراکتار کو نشان امتیاز سے نوازا اور امید ظاہر کی کہ کمانڈر دونوں برادر ممالک کے درمیان دفاعی تعاون مزید مضبوط بنانے کیلئے اپنا کردار ادا کرتے رہیں گے
