وزیر صحت فرحتین کوکا نے جمعرات کو اعلان کیا کہ ترکی ہفتے کے آخر میں جزوی کرفیو نافذ کرے گا۔ کوکا نے کہا ، "چونکہ ہائی اسکول اور یونیورسٹی میں داخلے کے امتحانات ہونے ہیں ، صدر نے حکم دیا ہے کہ نوجوانوں کے لیے ویک اینڈ فارغ ہونا چائیے۔
انہوں نے مزید کہا کہ کورونا وائرس سائنس بورڈ نے استنبول ، انقرہ اور برسا میں عوامی مقامات پر چہرے کے ماسک کو لازمی قرار دینے کا مشورہ دیا ہے۔ بعدازاں بدھ کے روز ، حکومت نے اعلان کیا تھا کہ اب ان شہروں کے عوامی علاقوں میں ماسک پہننا لازمی ہے۔
جون کے آغاز میں شہروں میں سفری پابندیاں ختم کرنے ، بوڑھے اور نوجوانوں کے گھروں میں قیام کے احکامات میں آسانی پیدا کرنے، کیفے ، ریستوراں ، جم ، پارکس ، ساحل اور میوزیم کو دوبارہ کھولنے کی اجازت کے بعد ترکی میں روزانہ انفیکشن کی تعداد میں اضافہ دیکھا جا رہا ہے۔ پچھلےہفتے 800-900 کے لگ بگ کیسز کی تعداد رہنے کے بعد یک دم انفیکشن کیسز کی تعداد 1،500 کے قریب ہوگئی۔
