ترکیہ نے گیسٹرونومی سیاحت میں سے ذرائع آمدنی بڑھانے کے لیے اقدامات کو تیز تر کرنا شروع کر دیا۔ ترکیہ نے گیسٹرونومی سیاحت میں سال 2024 کا ہدف 18 ارب ڈالر جبکہ سال 2025 کے لیے 25 ارب ڈالر کا ہدف مقرر کیا ہے۔
ترکیہ میں 2200 سے زائد مقامی کھانے اور مشروبات موجود ہیں اور گیسٹرونومی سیاحت کو فروغ دینے کے لیے 41 مختلف کھانوں، پیسٹریز اور مشروبات کے لیے تربیتی کورسز کا اجرا بھی ہو چُکا ہے۔ ترکیہ میں غازی عنتب، اڈانا ، ہاتائے اور ازمیر جیسے شہر گیسٹرونومی سیاحت کے لیے مشہور ہیں۔
واضح رہے کہ گیسٹرونومی سیاحت کی ایک ایسی قِسم ہے جِس میں سیاح کسی علاقے یا ملک کے ثقافتی یا مقامی کھانوں، مشروبات اور دیگر چیزوں کو دریافت کرتا ہے۔
ترکیہ کے شماریاتی ادارے کے اعداد و شمار کے مطابق سال 2024 کی پہلی ششماہی میں سیاحت کے ذریعے آمدنی کا 20 فیصد حصہ خوراک اور مشروبات کے ذمرے میں آیا ہے جو کہ کل 10 اعشاریہ 9 ارب ڈالر بنتا ہے۔
