جمعرات کو وزارت داخلہ نے بتایا کہ ترکی یونیورسٹی اور ہائی اسکول میں داخلے کے امتحانات کی وجہ سے اس ہفتے اور اگلے ہفتے باہر جانے پر پابندی عائد کرنے جا رہا ہے۔
وزارت نے ایک بیان میں کہا کہ 20 اور 27 جون کو صبح 9.30 سے 3 بجے کے درمیان لاک ڈاؤن ہوگا۔ لاک ڈاؤن کا اطلاق 28 جون کو صبح 9.30 بجے سے شام 6.30 بجے کے درمیان بھی ہوگا۔
وہ لوگ جنہوں نے امتحان دینے ہیں اور پبلک ٹرانسپورٹ کا استعمال کرنا ہے اور جنہوں نے رشتہ داروں کے ساتھ جانا ہو گا وہ لاک ڈاون سے خارج ہوں گے۔
بیان میں کہا گیا کہ بلدیات عوامی نقل و حمل میں رکاوٹ کو روکنے کے لئے ضروری اقدامات کریں گی ، ضرورت کے مطابق مزید خدمات کی پیش کش بھی کی جائے گی۔ جبکہ لاک ڈاؤن کے دوران بیکری ، بازار ، گروسری اسٹور اور قصاب کی دکانیں کھلی رہیں گی۔
کام کرنے کی جگہیں مثلا جانوروں کی پناہ گاہیں ، ہوٹلز ، پٹرول پمپس ، لاجسٹک کمپنیاں اور انٹرسٹی پبلک ٹرانسپورٹ کھلی رہنے کے ساتھ ادویات ، طبی آلات ، میڈیکل ماسک اور ڈس انفیکشن کی پیداوار ، نقل و حمل اور فروخت سے متعلق سر گرمیاں جاری رہیں گئیں۔
