ترک وزیر صحت کے مطابق ، ملک میں وبائی مرض کے خلاف اقدامات میں نرمی کے ساتھ منگل کو ناول کورونا وائرس سے صحت یاب ہونے والوں کی تعداد میں 3،218 افراد کے ریکارڈ اضافے کی تصدیق کی گئی۔
فرحتین کوکا نے ٹویٹر پر وزارت صحت کے اعداد و شمار کا حوالہ دیتے ہوئے کہا ، اس بیماری سے مجموعی طور پر صحت یاب ہونے والوں کی تعداد 144،598 ہوگئی ہے چونکہ گذشتہ روز 3،218 مزید مریضوں کو اسپتالوں سے فارغ کیا گیا ہے۔
انہوں نے کہا ، “پچھلے چوبیس گھنٹوں کے دوران ، نئے کیسز کی تعداد صحت یاب ہونے والوں کی تعدادسے ایک تہائی کم ہیں۔ نئی کیسز کی وجہ سے انتہائی نگہداشت سینٹرز اور وینٹیلیٹرز کی ضرورت میں اضافہ ہوا ہے۔
وائرس سے ملک میں اموات کی تعداد بڑھ کر 4،729 ہوگئی ہے، جب کہ اس نے پچھلے 24 گھنٹوں کے دوران 18 نئی افراد کی جان لی ہے۔
صحت کی دیکھ بھال کرنے والے افراد نے پچھلے 24 گھنٹوں کے دوران اس مرض کے لئے 37،225 ٹیسٹ کیے ، جس کے بعد ٹیسٹس کی مجموعی تعداد 2.4 ملین سے زیادہ ہوگئی ہے۔
ٹیسٹ کے نتائج کے مطابق ، ملک بھر میں کورونا کیسز کی کل تعداد 993 نئے انفیکشن کے ساتھ 172،114 تک پہنچ گئی ہے۔
گذشتہ دسمبر چین میں پہلی بار منظر عام پر آنے کے بعد اب تک ناول کورونا وائرس کم سے کم 188 ممالک اور خطوں میں پھیل گیا ہے۔ امریکہ ، برازیل ، روس اور متعدد یورپی ممالک اس وقت دنیا میں سب سے زیادہ متاثر ہیں۔
امریکی ’جانز ہاپکنز یونیورسٹی‘ کے مرتب کردہ اعدادوشمار کے مطابق ، وبائی مرض نے دنیا بھر میں تقریبا 408،000 افراد کو ہلاک کیا جبکہ 7.16 ملین سے زائد تصدیق شدہ کیسز اور 3.3 ملین سے زائد افراد صحت یاب ہو چکے ہیں۔
