سعودی شہریوں کے عمرہ کرنے پر عارضی پابندی عائد

حج کی وجہ سےسعودی شہریوں اور سعودی عرب میں مقیم غیرملکیوں کے عمرہ کرنے پرعارضی پابندی عائد کردی گئی۔

سعودی وزارت حج و عمرہ کے مطابق عمرہ پر پابندی کا نفاذ 24 جون سے ہوگا۔

سعودی حکام کے مطابق 24 جون سے 19 جولائی تک صرف ان لوگوں کو عمرہ ادا کرنے کی اجازت ہوگی جو فریضہ حج کی ادائیگی کیلئے سعودی عرب میں موجود ہوں گے۔

سعودی حکام کے مطابق 19 جولائی تک اعتمرنا ایپ پر عمرہ کی رجسٹریشن نہیں ہوسکے گی، اس کے بعد ایپ پر رجسٹریشن بحال کردی جائے گی۔

خیال رہے کہ 21 جون تک کے اعداد و شمار کے مطابق سعودی عرب میں حج کی ادائیگی کیلئے ایک لاکھ 72 ہزار 562 افراد پہنچ چکے تھے۔

Read Previous

سبسکرپشن میں کمی ، نیٹ فلیکس نے مزید 300 ملازمین فارغ کر دیے

Read Next

الجزیرہ ٹی وی سے منسلک فلسطینی خاتون صحافی اسرائیلی فورسز کی فائرنگ سے جاں بحق ہوئیں،اقوام متحدہ

Leave a Reply