امریکی پاپ سپر اسٹار ٹیلر سوئفٹ اور امریکی فٹبال اسٹار ٹریوس کیلس کی مبینہ شادی کی تقریبات نیویارک کے میڈیسن اسکوائر گارڈن میں شروع ہونے کی اطلاعات سامنے آئی ہیں۔ غیر ملکی میڈیا رپورٹس کے مطابق تقریب میں تقریباً 100 مہمانوں نے پری ویڈنگ ایونٹ میں شرکت کی، جبکہ اگلے روز ایک بڑی تقریب میں ایک ہزار تک مہمانوں کی آمد متوقع ہے۔ ایونٹ کے دوران سکیورٹی کے سخت انتظامات کیے گئے اور میڈیا نمائندے تقریب کی تفصیلات جاننے کے لیے مقام کے باہر موجود رہے۔ رپورٹس میں اداکار بریڈلی کوپر، ماڈل جیجی حدید اور گلوکارہ سلینا گومز سمیت کئی معروف شخصیات کی ممکنہ شرکت کا بھی ذکر کیا گیا ہے۔
مزید اپڈیٹس کیلئے وٹس ایپ چینل فالو کریں: چینل لنک
ٹیلر سوئفٹ کے مداح، جنہیں "سوئفٹیز” کہا جاتا ہے، شدید گرمی کے باوجود میڈیسن اسکوائر گارڈن کے باہر جمع رہے تاکہ اپنے پسندیدہ جوڑے کی ایک جھلک دیکھ سکیں۔ ٹیلر سوئفٹ اور ٹریوس کیلس کی محبت کی کہانی 2023 میں اس وقت شروع ہوئی جب ٹریوس نے ٹیلر کے کانسرٹ میں انہیں اپنا نمبر ایک فرینڈ شپ بریسلٹ کے ذریعے دینے کی کوشش کا انکشاف کیا، جس کے بعد دونوں کے درمیان تعلق قائم ہوا۔ بعد ازاں ٹیلر کو متعدد بار ٹریوس کے فٹبال میچز میں دیکھا گیا جبکہ ٹریوس بھی دنیا بھر میں ہونے والے ٹیلر کے کانسرٹس میں شریک ہوتے رہے۔
مزید اپڈیٹس کیلئے وٹس ایپ چینل فالو کریں: چینل لنک
گزشتہ برس ٹیلر سوئفٹ نے سوشل میڈیا پر تصاویر شیئر کرتے ہوئے ٹریوس کیلس سے منگنی کی تصدیق کی تھی، جس کے بعد ان کی قیمتی منگنی کی انگوٹھی بھی توجہ کا مرکز بنی۔ ماہرین کے مطابق انگوٹھی میں 8 سے 10 قیراط کا نایاب قدیم ہیرا استعمال کیا گیا ہے، جس کی مالیت پاکستانی کرنسی میں تقریباً 19 کروڑ سے ڈیڑھ ارب روپے تک ہو سکتی ہے۔ اگرچہ شادی کے حوالے سے دونوں شخصیات نے باضابطہ اعلان نہیں کیا، تاہم حالیہ تقریبات اور میڈیا رپورٹس نے مداحوں میں جوش و خروش پیدا کر دیا ہے، اور سوشل میڈیا پر یہ جوڑا مسلسل ٹرینڈ کر رہا ہے۔
