ملکہ الزبتھ کی آخری رسومات: برطانیہ میں عام تعطیل، سیکورٹی کے سخت انتظامات

آنجہانی ملکہ الزبتھ کی آخری رسومات کے موقع پر آج برطانیہ میں عام تعطیل کا اعلان کیا گیا ہے۔

ملکہ برطانیہ کی آخری رسومات کے موقع پر ملک بھر میں کاروباری سرگرمیاں بند رہیں گی۔

ملکہ برطانیہ کی آخری رسومات میں دنیا بھر سے 500 کے قریب سربراہان مملکت اور اہم شخصیات شریک ہیں جس کے لیے برطانوی دارالحکومت میں تاریخ کے سخت ترین حفاظتی انتظامات کرتے ہوئے 10 ہزار اضافی پولیس افسران، 1500 فوجی اہلکار اور ایک ہزار رضاکار تعینات کیے گئے ہیں۔ عمارتوں کی چھتوں پر بھی پولیس اہلکار اور اسنائپرز تعینات کیے گئے ہیں۔

ملکہ کے آخری سفر کے دیدار کے لیے 10 لاکھ افراد کی وسطی لندن آمد متوقع ہے جبکہ وسطی لندن میں 22 میل طویل آہنی بیرئیرز لگا دیے گئے اور لندن کی فضاؤں میں ڈرون اڑانے پر عارضی پابندی عائد کر دی گئی ہے۔

آخری رسومات کے موقع پر شور سے بچنے کے لیے پروازیں بھی روک دی جائیں گی، 100 سے زائد پروازیں منسوخ ہوں گی جبکہ ویسٹ منسٹر ایبے کے قریب ترین انڈر گراؤنڈ اسٹیشن بھی بند رہیں گے اورگلیوں اور سڑکوں پر موجود کوڑے دان اور سیوریج سسٹم کی مکمل تلاشی لی جائے گی۔

 

Read Previous

استنبول میں ہم جنس پرستی کے خلاف احتجاج، خاندانی نظام کے حامی ہزاروں افراد کی شرکت

Read Next

"اقوام متحدہ کی اصلاح: بین الاقوامی تعاون کا ایک نیا نقطہ نظر” صدر ایردوان کی تصنیف شائع

Leave a Reply