برطانیہ کے شہزادہ چارلس بھی کورونا وائرس کا شکار ہو گئے۔ شہزادہ چارلس اب تک اس مہلک وائرس سے متاثر ہونے والی دنیا کی سب بڑی شخصیت ہیں۔ شاہی محل سے جاری بیان میں تصدیق کی گئی ہے کہ 71سالہ شہزادہ چارلس کووِڈ19 بیماری (کورونا وائرس) میں مبتلا ہو گئے ہیں۔شہزادہ چارلس اسکاٹ لینڈ میں قرنطینہ میں ہیں اور ان میں کورونا وائرس کی معمولی علامات پائی گئی ہیں مگر ان کی صحت بہتر ہے۔
شہزادہ چارلس کی اہلیہ ڈچزآف کارنوال کا بھی کورونا ٹیسٹ ہوا جو منفی آیا ہے یعنی وہ کورونا سے متاثر نہیں ہوئی ہیں۔ مگر حکومتی اور طبی ماہرین کے مشورے پر وہ بھی شہزادہ چارلس کے ساتھ اسکاٹ لینڈ میں اپنے گھر میں قرنطینہ میں ہیں بیان میں کہا گیا ہے کہ اس بات کا اندازہ لگانا ممکن نہیں ہے کہ شہزدہ چارلس کو کورونا وائرس کیسے لگا کیونکہ وہ گزشتہ کچھ ہفتوں کے دوران مسلسل اپنی ذمہ داریاں نبھاتے رہے۔ یاد رہے کہ شہزاد چارلس آسٹریلیا میں لگنے والی آگ سے متعلق امداد ی کاموں کے سلسلے آخری مرتبہ 12 مارچ کو لندن میں اپنے محل میں ایک عشائیے میں شریک ہوئے تھے۔
