وزیر اعظم پاکستان شہباز شریف نے کہا ہے کہ آذربائیجان اور ایران کے صدور نے دورہ پاکستان کی دعوت قبول کرلی ہے۔
اپنے ٹویٹ میں وزیراعظم شہباز شریف نے کہا کہ آ ج انہوں نے عید کی مبارکباد دینے کے لیے آذربائیجان اور ایران کے صدور سے ٹیلی فون پر بات کی۔
وزیراعظم پاکستان نے کہا کہ میں نے صدر الہام علی یوف کا میرے حالیہ دورہ باکو کے دوران مجھے اور میرے وفد کے ارکان کاپرتپاک خیرمقدم اور مہمان نوازی کرنے پر شکریہ ادا کیا۔ میں نے صدر مملکت کو دورہ پاکستان کی دعوت دی جسے انہوں نے بخوشی قبول کیا۔
وزیراعظم نے کہا کہ میں نے ایران کے صدر ڈاکٹر ابراہیم رئیسی سے عید کی مبارکباد کا تبادلہ کیا۔ ہم نے اپنے دونوں برادر ممالک کے درمیان دوطرفہ تعلقات کو مزید مضبوط بنانے پر اتفاق کیا۔ میں نے ایرانی صدر کو پاکستان کے دورے کی دعوت دہرائی جسے انہوں نے نہایت خوش اسلوبی سے قبول کیا۔
