او آئی سی کے اجلاس کی سائیڈ لائن پر وزیرِ اعظم پاکستان سے مسلم ورلڈ لیگ کے سیکرٹری جنرل شیخ ڈاکٹر محمد بن عبدالکریم العیسیٰ سے ملاقات کی۔ ملاقات میں مشرقِ وسطیٰ کی صورتحال اور عالم اسلام کو درپیش مسائل پر بات چیت کی گئی، وزیرِ اعظم پاکستان نےتنظیم کے کام کو آگے بڑھانے اور اتحادِ امت کے فروغ کے لیے سیکرٹری جنرل شیخ ڈاکٹر محمد بن عبدالکریم العیسیٰ کی قائدانہ صلاحیتوں کا اعتراف کیا۔
وزیرِ اعظم پاکستان نے کہا کہ مسلم ورلڈ لیگ کا مسلمانوں کے مفادات و مقاصد کی وکالت اور بھائی چارے، رواداری اور باہمی احترام کے پیغام کو عام کرنے میں اہم کردار ہے۔اُنہوں نے مزید کہا کہ مسلم ورلڈ لیگ کا غزہ میں جاری تنازع اور مسلم دنیا کو درپیش دیگر مختلف چیلنجوں کے دوران کردار خاص طور پر اہم ہے۔
