پاک بحریہ کی کثیرالملکی میری ٹائم مشق امن 23 کی اختتامی تقریب شمالی بحیرہ عرب میں منعقد کی گئی۔ پاکستانی وزیر اعظم میاں شہباز شریف نے کابینہ کے اراکین کے ساتھ تقریب میں شرکت کی ۔ ترک زلزلہ متاثرین کے ساتھ اظہار یکجتی ترک پرچم لہرایا گیا
مشق امن 23 کی اختتامی تقریب میں چیئرمین جوائنٹ چیفس آف سٹاف اور سروسز چیفس نے بھی شرکت کی۔بحیرہ عرب میں موجود پاک بحریہ کے جہاز پر آمد پر امیر البحر نے وزیراعظم پاکستان کا استقبال کیا۔وزیراعظم کو امن مشقوں کے حوالے سے بریفنگ بھی دی گئی پاکستانی وزیر اعظم نے جوائنٹس چیف آف اسٹاف کمیٹی اور سروسز چیفس کے ہمراہ کھلے سمندرمیں بحری مشقوں اور فلیٹس کا جائزہ لیا۔ انہوں نے کہا کہ ان مشقوں کا مقصدامن کیلئے ہر طرح کے حالات اور ماحول میں ہمہ وقت تیار رہنا بھی ہے۔
امن مشق 2023 کے آخری روز ملکی اور غیرملکی بحری جنگی جہازوں اور ائیر فلیٹس نے کھلے سمندر میں مشقیں کیں، مشق کے دوران جہازوں میں ری فیولنگ کا مظاہرہ کیا گیا جبکہ پاک بحریہ کے جوانوں نے سی کنگ ہیلی کاپٹر اور اسپیڈ بوٹس سے اسپیشل فورس کے ذریعے بحری قذاقوں کے خلاف آپریشن کی مشق کا مظاہرہ کیا۔
پاکستانی نیوی، چین اور انڈونیشیا کے جنگی بحری جہازوں نے کھلے سمندر میں ہیوی گن فائرنگ کا مظاہرہ کیا جبکہ پاک بحریہ نے راکٹ فائرنگ کا بھی مظاہرہ کیا۔
امن مشق کے دوران جے ایف 17 تھنڈر، پی تھری سی اورین، اے ٹی آر طیاروں، سی کنگ ہیلی کاپٹرز اور زولو ہیلی کاپٹرز نے فلائی پاسٹ کیا۔
پاکستان نیوی زیر اہتمام 8 ویں پانچ روزہ کثیرالملکی امن مشق میں پچاس ممالک نے شرکت کی، اختتامی روز کھلے سمندر میں مشق کے دوران انڈونیشیا، امریکہ، اٹلی، سری لنکا، جاپان ،چین اور ملائشیا کے جہازوں اور میزائل بوٹس نے بھی حصہ لیا۔
