نیٹو کے سیکرٹری جنرل جینز سٹولٹن برگ نےصدر ایردوان کی طرف سے سویڈن کے نیٹو کے الحاق پروٹوکول پر دستخط کرنے کا خیرمقدم کیا۔
سٹولٹن برگ نے کہا کہ میں صدر ایردوان کی طرف سے سویڈن کے الحاق پروٹوکول پر دستخط کرنے اور اسے اسمبلی میں پیش کرنے کا خیرمقدم کرتا ہوں۔
انکا کہنا تھا کہ میں تیزی سے منظوری کا منتظر ہوں اور بہت جلد سویڈن کو نیٹو کے مکمل اتحادی کے طور پر خوش آمدید کہوں گا۔
جیسا کہ میں نے ہفتے کے آخر میں صدر ایردوان کے ساتھ اپنی حالیہ ملاقات میں ذکر کیا، یہ پیشرفت پورے اتحاد کو مضبوط اور زیادہ محفوظ بنائے گی۔
اسٹولٹن برگ سویڈن کا دورہ کریں گے اور وزیر اعظم الف کرسٹرسن سے ملاقات کریں گے۔
ترکیہ کے کمیونیکیشن ڈائریکٹوریٹ کے مطابق صدر ایردوان نے پیر کو الحاق پروٹوکول پر دستخط کیے اور اسے پارلیمنٹ کو بھیج دیا۔
سویڈش وزیر اعظم نے بھی ترکیہ کے اعلان کا خیر مقدم کیا۔
فروری 2022 میں روس کی طرف سے یوکرین میں جنگ شروع کرنے کے فوراً بعد فن لینڈ اور سویڈن نے نیٹو کی رکنیت کے لیے درخواست دی۔
ترکیہ نے پہلے فن لینڈ کی نیٹو کی رکنیت کی منظوری دی تھی لیکن کہا تھا کہ وہ انقرہ کے سیکورٹی خدشات کو دور کرنے کے لیے جون 2022 میں میڈرڈ میں دستخط کیے گئے سہ فریقی میمورنڈم کی پاسداری کے لیے سویڈن کا انتظار کر رہا ہے۔
