ایمن عباس 
ترکیہ کے شہر قونیہ میں جاری اسلامی یکجہتی گیمز میں پاکستان کو پہلا گولڈ میڈل دلوانے والے ارشد ندیم نے ترکیہ میں پاکستان کمیونٹی کے ساتھ جیت کا جشن اور پاکستان کا 75 واں یوم آزادی منایا
یکجہتی گیمز میں شریک ارشد ندیم، نوح دستگیر سمیت دیگر پاکستانی ایتھلیٹس نے ترکیہ میں مقیم پاکستانیوں کے ساتھ یوم آزادی کا جشن منایا
پاکستان کے پرچم سے سجا کیک کاٹا گیا اور پاکستان زندہ باد کے نعرے لگائے گئے
ترکیہ کے شہر قونیہ میں اسلامی یکجہتی گیمز میں ارشد ندیم شروع ہی سے ٹاپ پر رہے۔
پہلی باری میں 79.40 کی تھرو کے بعد دوسری باری میں انہوں نے 88.55 کی تھرو کی جو اسلامک گیمز کی سب سے بڑی ریکارڈ تھرو ہے۔ یہ ہی ان کی بہترین تھرو رہی۔
اس کے بعد کی تین باریوں میں انہوں نے 75.50، 82.40 اور 83.33 کی تھروز کیں تاہم کوئی دوسرا ایتھلیٹ ارشد کو پیچھے نہ چھوڑ سکا یوں انہوں نے ان مقابلوں میں گولڈ میڈل اپنے نام کیا
