جدہ میں ہونے والے او آئی سی کے غیر معمولی اجلاس میں غزہ کی صورتحال پر غور کیا گیا، اجلاس میں ترکیہ ، سعودی عرب ، پاکستان سمیت دیگر رکن ممالک کے وزرائے خارجہ نے شرکت کی ۔
سعودی عرب کے شہر جدہ میں اسلامی تعاون کی تنظیم کے وزرائے خارجہ کے غیر معمولی اجلاس سے خطاب کرتے ہوئے حاقان فیدان نے غزہ میں مظالم کا مقابلہ کرنے کے لئے ایک منصوبہ تیار کرنے پر زور دیا ہے کیونکہ اسرائیل تقریباً پانچ ماہ سے محصور فلسطینیوں پر حملے جاری رکھے ہوئے ہے۔ حاقان فیدان نے کہا کہ اسرائیل میں ہتھیاروں کی ترسیل روکنے کے فیصلے پر عمل درآمد کی نگرانی کی جانی چاہیے ، قانونی بنیادوں پر بین الاقوامی قوانین کو ہر قیمت پر برقرار رکھنے کی کوششیں ناگریر ہیں اور ہمیں اسرائیلی محاصرہ توڑ کر لوگوں کو بھوک سے مرنے سے بچانا چاہیے
اجلاس میں پاکستان کی جانب سے مستقل مندوب فواد شیر نے پاکستانی موقف پیش کرتے ہوئے غزہ میں اسرائیلی مظالم کی شدید مذمت کی ۔ غزہ کے لیے انسانی بنیادوں پر فنڈز کی فراہمی ، امدادی کارکنوں اور تنظیموں کے داخلے کے لئے اسرائیل پر دباؤ ڈالنے پر زور دیا۔
اجلاس میں وزرا نے اقوام متحدہ کے سیکریٹری جنرل پر جنگی جرائم کا تحقیقاتی کمیشن قائم کرنے غزہ سے اسرائیلی فوج کا انخلا اور تمام غیر قانونی اقدامات روکنے پر زور دیا
