امریکہ نے بھارت کی سرکاری فضائی کمپنی ایئر انڈیا پر امتیازی سلوک برتنے کا الزام عائد کرتے ہوئے اسے امریکہ سے بھارتیوں کو واپس لے جانے پر پابندی لگا دی ہے۔
امریکی ڈپارٹمنٹ آف ٹرانسپورٹیشن کے مطابق ایئر انڈیا ٹکٹس فروخت کرنے کے معاملے میں ملوث پائی گئی ہے۔ اس کا مطلب ہےکہ جن مسافروں کو ایئر لائن امریکہ سے بھارت لے گئی ہے وہ حقیقی طور پر وہ مسافر نہیں تھے جن کیلئے یہ سہولت شروع کی گئی ہے۔
امریکہ نے امریکی فضائی کمپنیوں کو بھی بھارت سے مسافروں کو لانے اور یہاں سے مسافر واپس لے جانے پر پابندی لگا دی ہے۔ کئی امریکی فضائی کمپنیوں نے حکومت سے بھارت کیلئے فضائی آپریشن شروع کرنے کی درخواست کی تھی۔
امریکی محکمہ ٹرانسپورٹ نے کہا ہے کہ جب تک ایئر انڈیا اپنے اوپر عائد الزامات کا تسلی بخش جواب نہیں دیتی اس وقت تک اسے امریکہ کیلئے فضائی آپریشن شروع کرنے کی اجازت نہیں دی جا سکتی۔ امریکہ نے بھارت سے کہا ہے کہ وہ امریکی فضائی کمپنیوں کو چارٹرڈ فلائٹس کی اجازت دے تاکہ وہ بھارت اور دیگر ممالک کیلئے اپنی خدمات پیش کر سکیں۔
