fbpx
ozIstanbul

فیس بک نے مختصر ویڈیوز کا فیچر متعارف کروا دیا

فیس بک نے اپنے صارفین کے لیے مختصر ویڈیوز کا فیچر متعارف کروا دیا ۔

فیس بک اپنی مخالف ایپس کو ان کے ہی فیچرز کاپی کرکے پیچھے چھوڑنا پسند کرنے والی کمپنی ہے اور ایسا ہی ایک بار پھر کیا گیا ہے۔

فیس بک کی موبائل ایپ میں ایک نئے فیچر ریلز کا اضافہ کردیا گیا ہے۔
اگر نام سے خیال آتا ہے کہ یہ انسٹاگرام کا فیچر نہیں تو اس کا جواب ہے ہاں، یہ وہی ہے مگر اب آپ ریلز کی مختصر ویڈیوز فیس بک پر بھی دیکھ سکیں گے۔

اگر آپ کو یاد ہو تو انسٹا گرام ریلز ٹک ٹاک کی نقل ہے اور اب اسے فیس بک کی مین ایپ کا حصہ بنا دیا گیا ہے۔

اس سے قبل فیس بک نے اسنیپ چیٹ کے اسٹوریز فیچر کی نقل کو اصل سے زیادہ مقبول بنا دیا تھا اور اب وہ ریلز کے ساتھ ہی یہی امید کررہی ہے۔

انسٹا گرام پر تو ریلز کو کچھ زیادہ مقبولیت نہیں ملی مگر فیس بک کو توقع ہے کہ اس کی مین ایپ پر یہ فیچر زیادہ لوگوں کی توجہ حاصل کرسکے گا۔

یہ فیچر سب سے پہلے امریکا میں اینڈرائیڈ اور آئی او ایس صارفین کے لیے متعارف کرایا گیا ہے۔

فیس بک ریلز موسیقی، آڈیو، ایفیکٹس اور دیگر پر مشتمل فیچر ہوگا جس کو نیوز فیڈ یا گروپس میں دیکھا جاسکے گا۔

جب صارف ایسی مختصر ویڈیو کو دیکھے گا تو وہ آسانی سے کریٹیئر کو فالو کرسکے گا یا اپنے دوست سے شیئر کرسکے گا۔

فیس بک کی جانب سے انسٹا گرام صارفین کی جانب سے فیس بک مین ایپ میں ریلز کو ریکومینڈ کرنے کے فیچر کی آزمائش بھی کی جارہی ہے جس سے عندیہ ملتا ہے کہ ریلز فیچر کو مستقبل قریب میں دونوں ایپس میں مکمل طور پر مدغم کردیا جائے گا۔

پچھلا پڑھیں

دبئی ایکسپو 2020 ایک سال کی تاخیر کے بعد شروع ہوگئی

اگلا پڑھیں

ترکی میں اب تک 10 کروڑ 9 لاکھ کورونا ویکسین لگا دی گئی

تبصرہ شامل کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے