ایلون مسک نے ٹوئٹر سے1.5 ارب اکاؤنٹس ڈیلیٹ کرنے کا اعلان کر دیا

ٹوئٹر کے نئے مالک ایلون مسک نے سوشل میڈیا پلیٹ فارم سے ڈیڑھ ارب اکاؤنٹس ڈیلیٹ کرنے کا اعلان کیا ہے۔

ایک ٹوئٹ میں ایلون مسک نے بتایا کہ ٹوئٹر کے ڈیڑھ ارب اکاؤنٹس کو ڈیلیٹ کیا جائے گا تاکہ یوزر نیم دستیاب ہوسکیں۔

انہوں نے مزید کہا کہ ان اکاؤنٹس کو ڈیلیٹ کیا جائے گا جن پر برسوں سے کوئی لاگ ان نہیں ہوا اور کوئی ٹوئٹ نہیں کیا گیا۔

اس اعلان سے چند گھنٹے قبل ایلون مسک نے ایک اور ٹوئٹ میں بتایا تھا کہ آئندہ چند ہفتوں میں ٹوئٹس میں ویو کاؤنٹ اسی طرح نظر آئے گا جیسا ویڈیوز میں نظر آتا ہے۔

ان کا کہنا تھا کہ ٹوئٹر کی جانب سے ایک سافٹ وئیر اپ ڈیٹ پر کام کیا جارہا ہے جس سے اکاؤنٹ اسٹیٹس شو ہوگا، تاکہ آپ کو معلوم ہوسکے کہ اکاؤنٹ شیڈو بین تو نہیں اور کیسے آپ اپنے مواد کے لیے لوگوں کی توجہ حاصل کرسکتے ہیں۔

ایلون مسک نے کہا کہ صارفین کو بھی بتایا جائے گا کہ ان کی پوسٹس کو کمپنی کی جانب سے روکا تو نہیں جارہا اور اپیل کرنے کا حق بھی دیا جائے گا۔

Read Previous

پاکستانی آرمی چیف اور جنرل ساحر شمشاد کو نشان امتیاز ملٹری سے نواز دیا گیا

Read Next

ترکیہ روس اور یوکرائن تنازع حل کروانے کی کوشش جاری رکھے گا، صدر ایردوان

Leave a Reply