Sehar Naseer 
ترکیہ بھر کے صوبے گزشتہ ماہ کے زلزلوں کے متاثرین کی میزبانی کھلے دل سے کر رہے ہیں۔
7.7 اور 7.6 شدت کے زلزلوں کے بعد، جن کا مرکز قہرمانماراش صوبے میں تھا اس نے 11 صوبوں میں 1 کروڑ 30 لاکھ سے زائد افراد کو متاثر کیا۔
زلزلے کے بعد سے اب تک بہت سے لوگوں کو محفوظ مقامات پر بھیج دیا گیا ہے۔
زلزلہ متاثرین بشمول وہ لوگ جو اپنے اپنے ذرائع سے خطہ چھوڑ کر چلے گئے تھے انہیں ہوٹلوں، گیسٹ ہاؤسز، ترک وزارتِ نوجوانان اور کھیل سے منسلک ہاسٹل کے ساتھ ساتھ مختلف صوبوں میں ان کے رشتہ داروں یا رضاکار خاندانوں کے پاس ٹہرایا گیا ہے۔
نیز، متاثرہ بالغوں اور بچوں کو نفسیاتی مدد فراہم کی جا رہی ہے۔
اعداد و شمار کے مطابق ترکیہ کا دارالحکومت انقرہ 2 لاکھ سے زیادہ زلزلہ متاثرین کی میزبانی کررہا ہے، اس کے بعد انطالیہ میں 1 لاکھ 55 ہزار، ازمیر 70 ہزار، قونیا 53 ہزار، مرسین 62 ہزار اور ایلازگ 50ہزار لوگوں کی میزبانی کر رہاہے۔
