اپنے ملک میں گوری رنگت کرنے والی مصنوعات تشہیر کرتے ہوئے نسل پرستی کے خلاف عالمی مظاہروں کی حمایت کرنے والے متعدد بالی ووڈ اسٹارز کو لوگوں نے تنقید کا نشانہ بنایا اور “منافق” قرار دیا۔
پریانکا چوپڑا سمیت ای لسٹ بالی ووڈ اداکاراؤں کی ایک سیریز نے سوشل میڈیا پر جورج فلائیڈ کی موت کے خلاف احتجاج کرتے ہوئے پوسٹس شیئر کیں جو ایک سفید فام افسر کے گردن پر نو منٹ تک گھٹنا دبانے کے بعد پولیس کی تحویل میں ہلاک ہو گیا تھا۔
37 سالہ چوپڑا نے انسٹاگرام پر پوسٹ کیا ، “امریکہ اور پوری دنیا میں اس نسل پرستی کی جنگ کا خاتمہ ہونا چائیے۔ جہاں کہیں بھی آپ رہتے ہو ، آپ کے حالات کچھ بھی ہوں ، خاص طور پر کسی کی جلد کے رنگ کی وجہ سے کسی دوسرے کے ہاتھوں ، کوئی بھی موت کا مستحق نہیں ہے۔”
ماضی میں ” گورا کرنے والے موئسچرائزر” کی تشہیر پر لوگوں نے پریانکا چوپڑا کو سوشل میڈیا پر تنقید کا نشانہ بنایا۔
انہوں نے 2008 میں ریلیز ہونے والی بھارتی فلم “فیشن” میں بھی ان کے کردار کا بھی ذکر کیا جس میں وہ کسی سیاہ فام آدمی کے ساتھ جنسی تعلقات قائم کرنے پر شرمندہ تھیں۔
“سیاہ فام افراد کے لیے آواز اٹھانے کا شکریہ ۔ لیکن ، جلد کی بلیچنگ کریم کی حمایت بھی بند کردیں جو انسداد سیاہ پن کو فروغ دیتا ہے ،” ایک صارف نے پریانکا چوپڑا کے انسٹاگرام پوسٹ پر جواب دیا
سابقہ مس ورلڈ چوپڑا ، جو بالی ووڈ اور ہالی ووڈ دونوں کی اسٹار بن چکی ہیں ماضی کے انٹرویوز میں یہ کہہ چکی ہیں کہ انہیں جوانی میں ایسی پروڈکٹ کی حمایت کرنے پر افسوس ہے اور انہیں اپنی سانولی رنگت پر فخر ہے۔
البتہ اداکارہ فوری طور پر اس تنقید پر ردعمل کے لئے دستیاب نہیں تھیں۔
اداکارہ سونم کپور آہوجا ، دیپیکا پڈوکون اور دیشا پٹانی کو بھی ان کی نسل پرستی کے خلاف سوشل میڈیا پوسٹس پر تنقید کا سامنا کرنا پڑا جبکہ وہ جلد کی فیئرنس مصنوعات کے اشتہارات کر چکی ہیں۔
