آج آذربائیجان اپنا 104 واں یوم جمہوریہ اور پہلا یوم آزادی منا رہا ہے اس سے قبل 28 مئی کو ملک میں یوم جمہوریہ کے طور پر منایا جاتا تھا ۔
آذربائیجان کی حکومت نے گزشتہ سال اکتوبر میں 28 مئی کو یوم جمہوریہ سے یوم آزادی میں تبدیل کر دیا تھا ۔
ملک بھر میں عام تعطیل ہے اور آزادی کے دن کی مناسبت سے تقریبات کا انعقاد کیا جا رہا ہے
اس موقع پر پاکستان میں آذربائیجان ایمبیسی کے زیر انتظام تقریب کا انعقاد کیا گیا، سفیر خضر فرہادوف نے ترک سفیر احسان مصطفے یرداکل اور پاکستانی سینیٹر مرتضی جاوید عباسی کے ہمراہ یوم آزادی کا کیک کاٹا۔
تقریب میں مختلف ممالک کے سفیروں اور دیگر اہم شخصیات نے شرکت کی۔
ترک صدر رجب طیب ایردوان بھی آج ہمسایہ ملک آذربائیجان جائیں گے اور باکو میں جاری ٹیکنالوجی فیسٹیو ل ٹیکنو فیسٹ میں شرکت کریں گے۔
1918 میں آج کے دن جمہوریہ آذربائجان، ایک سیکولر ریاست آذربائیجان ڈیموکریٹک ریپبلک میں تبدیل ہوا ۔
20ویں صدی نہ صرف سائنس اور ٹیکنالوجی میں ترقی کے طور پر بلکہ قومی بیداری، استعمار سے لوگوں کی آزادی اور ریاستوں کے قیام کی صدی کے طور پر بھی تاریخ میں لکھی جائے گی۔
