پاکستان میں اپنے یادگار سفارتی سفر کے اختتام پر آذربائیجان کے سبکدوش سفیر خضر فرہادوف نے پاکستانی میڈیا کے نمائندگان کے اعزاز میں خصوصی الوداعی نشست کا اہتمام کیا، جس میں انہوں نے اپنے دورِ سفارت کے دوران میڈیا کے تعاون اور پاک۔آذربائیجان تعلقات کے فروغ میں اس کے کردار کو سراہتے ہوئے اظہارِ تشکر کیا۔
خضر فرہادوف نے کہا کہ پاکستانی میڈیا نے دونوں ممالک کے درمیان دوستی، باہمی روابط، ثقافتی تعلقات اور سیاحت کو اجاگر کرنے کے ساتھ عوامی سطح پر آگاہی اور قربت بڑھانے میں اہم کردار ادا کیا۔ انہوں نے صحافتی اداروں کو دونوں ممالک کے درمیان تعلقات کو عوام تک پہنچانے والا مؤثر پل قرار دیا۔
مزید اپڈیٹس کیلئے وٹس ایپ چینل فالو کریں: چینل لنک
اس موقع پر سبکدوش سفیر نے پاکستانی میڈیا کے نمائندگان میں تعریفی اسناد بھی تقسیم کیں، جو پاک۔آذربائیجان تعلقات کے فروغ اور دونوں ممالک کے درمیان دوستی و تعاون کو اجاگر کرنے میں ان کی خدمات کے اعتراف میں پیش کی گئیں۔
مزید اپڈیٹس کیلئے وٹس ایپ چینل فالو کریں: چینل لنک
الوداعی نشست میں شریک میڈیا نمائندگان نے خضر فرہادوف کے سفارتی کردار کو سراہتے ہوئے ان کے لیے آئندہ ذمہ داریوں میں کامیابی اور نیک خواہشات کا اظہار کیا، جبکہ دونوں ممالک کے درمیان برادرانہ تعلقات اور عوامی روابط کے فروغ کے لیے صحافتی تعاون جاری رکھنے کے عزم کا اعادہ کیا۔
