ایشیا کے اہم ممالک نے ترکی سے دفاعی اسلحہ خریدنے میں دلچسپی ظاہر کی ہے۔
ترک دفاعی کمپنیوں نے "ڈیفنس پورٹ ترکی ساوٗتھ ایشیا فیئر” منعقد کی۔ کورونا وائرس کے باعث یہ نمائش آن لائن منعقد کی گئی جس میں پاکستان، بنگلہ دیش، سری لنکا اور افغانستان نے شرکت کی۔
بنگلہ دیش بحریہ کے سربارہ نیول کمانڈر محبوب الاسلام نے کہا کہ ان کا ملک ترکی سے ہیلی کاپٹر شپس اور پیٹرول بوٹس خریدنا چاہتا ہے۔
بنگلہ دیش نے ترکی کی سرکاری دفاعی کمپنی ایزیلان، ہیولسین اور راکستان کے ساتھ کام کرنے کا فیصلہ کیا ہے۔ انہوں نے کہا کہ ہیولسین کا کمانڈ اینڈ کنٹرول سسٹم بنگلہ دیش کی فوج کے لئے خریدا جائے گا۔
سری لنکا نے بھی اپنی زمینی فوج کے لئے ترکی سے اسلحہ خریدنے کا اعلان کیا ہے۔ سری لنکا کی وزارت دفاع کا کہنا ہے کہ ترکی سے دفاعی ساز و سامان کی خریداری کا ایک معاہدہ جلد ہی طے پا جائے گا۔
