Turkiya-Logo-top

ہم ایک پُرامن اور مستحکم افغانستان کے خواہاں ہیں : وزیر خارجہ پاکستان اسحاق ڈار

اسلام آباد میں اقتصادی تعاون تنظیم (ای سی او) کی وزرائے خارجہ کونسل کے 30ویں اجلاس سے خطاب کرتے ہوئے نائب وزیراعظم و وزیر خارجہ اسحاق ڈار نے کہا ہے کہ پاکستان ایک پُرامن، خوشحال اور مستحکم افغانستان کا خواہاں ہے، جو اپنے تمام پڑوسیوں کے ساتھ امن سے رہے اور علاقائی تعاون کا حصہ بنے۔
انہوں نے کہا کہ ایسا افغانستان افغان عوام اور پورے خطے کے مفاد میں ہوگا، جہاں تجارت، ٹرانزٹ اور معاشی تعاون کے نئے مواقع پیدا ہوں گے۔ اسحاق ڈار نے افغان حکام پر زور دیا کہ وہ پڑوسی ممالک کے جائز سیکیورٹی خدشات، بالخصوص دہشت گردی کے خطرات دور کرنے کے لیے مؤثر اقدامات کریں۔ ان کے مطابق علاقائی اقتصادی شراکت داری کے فروغ کے لیے محفوظ اور مستحکم ماحول ناگزیر ہے۔

پاکستان طویل عرصے سے الزام عائد کرتا رہا ہے کہ تحریک طالبان پاکستان (ٹی ٹی پی) سمیت مسلح گروہ افغان سرزمین استعمال کرتے ہوئے پاکستان میں حملے کرتے ہیں۔ اسلام آباد افغان طالبان حکومت سے ان گروہوں کے خلاف کارروائی کا مطالبہ کرتا ہے۔ دوسری جانب افغان طالبان ان الزامات کی تردید کرتے ہیں۔
پاکستان اور افغانستان کے درمیان سرحدی کشیدگی اور سیکیورٹی معاملات پر اختلافات نے دونوں ملکوں کے تعلقات کو متاثر کیا ہے۔ ایسے میں اسحاق ڈار کا بیان کابل کے ساتھ پُرامن تعلقات اور علاقائی تعاون میں افغانستان کی شمولیت کے لیے پاکستان کے مؤقف کی عکاسی کرتا ہے۔ اجلاس میں افغان حکام کا کوئی نمائندہ شریک نہیں تھا، حالانکہ افغانستان ای سی او کے 10 رکن ممالک میں شامل ہے۔

Read Previous

رواداری کا عالمی دن: وزیراعظم پاکستان کا نفرت و تعصب کے خاتمے اور اقلیتوں کے حقوق کے تحفظ کا عزم

Read Next

"جیل سے زندہ رہا ہونے کی ضمانت نہیں”، عمران خان کا اعلیٰ عدلیہ کے نام خط، اپنی اور بشریٰ بی بی کی صحت پر خدشات

Leave a Reply