مشہور ترک سیریز ’ارطغرل غازی‘ میں مسلمان جنگجو ’ترگت‘ کا کردار ادا کرنے والے جنگیز جاشکن نے سوشل میڈیا پر اپنے آنے والے نئے پروجیکٹ کی ایک تصویر شئیر کی ہے جو آتے ہی چھا گئی ہے۔
سوشل میڈیا رپورٹس کے مطابق جنگیز جاشکن (ترگت) نے سماجی رابطے کی ویب سائٹ انسٹاگرام پر اپنی ایک تصویر پوسٹ کی ہے جس میں وہ کندھے پر کلہاڑی اٹھائے جنگجو کے روپ میں ہیں۔
تصویر کے کیپشن میں ترگت نے لکھا کہ میں جانباز ہوں۔
کچھ سوشل میڈیا صارفین کا کہنا ہے کہ یہ ’ترگت الپ‘ کے کسی نئے پراجیکٹ کی تصویر ہے جبکہ کچھ کا کہنا ہے کہ جنگیز ’ارطغرل غازی‘ کے سیکوئل ’کورلش عثمان‘ میں دوبارہ انٹری دیں گے۔
