ترکیہ کی وزارت خارجہ کے بیان کے مطابق گزشتہ ماہ خطے میں آنے والے طاقتور زلزلوں کے بعد کل 16 ممالک نے جنوبی ترکیہ میں 34 فیلڈ ہسپتال قائم کیے ہیں۔
وزارت کی جانب سے ٹوئٹر پر شیئر کیے گئے گرافک کے مطابق، غیر ملکی نمائندوں کے تعاون سے کل 1 لاکھ 79 ہزار خیمے، 2 ہزار 76 رہنے والے کنٹینرز اور 2 ہزار 75 موبائل حفظان صحت کے یونٹ ترکیہ میں لائے گئے ہیں۔
ڈیزاسٹر زون میں پہنچائے جانے والے امدادی سامان میں تقریباً 1.9 ملین کمبل، 2 لاکھ 69 ہزار سلیپنگ بیگز، 96 ہزار بستر، 33 ہزار جنریٹر، 7 ہزار 4 سو 88 ٹن کپڑے، 4 ہزار 1 سو 9 ٹن حفظان صحت اور 60 ٹن طبی سامان شامل ہیں۔
6 فروری کو آنے والے زلزلوں میں 46 افراد سے زائد افراد ہلاک ہو چکے ہیں۔
7.7 اور 7.6 کی شدت کے زلزلوں نے 11 صوبوں کو متاثر کیا — ادانا، آدیامان، دیارباقر، ایلازیگ، حطائے، غازینتپ، قہرماناماراش، کلیس، مالتیا، عثمانیہ، اور سانلیورفا۔
ترکیہ میں 13.5 ملین سے زیادہ لوگ تباہ کن زلزلوں سے متاثر ہوئے ہیں اور ساتھ ہی ساتھ شمال مغربی شام میں بھی بہت سے لوگ زلزلے سے متاثر ہوئے ہیں۔
دنیا بھر سے امدادی ٹیمیں ترکیہ بھیجی گئی جنہوں نے بہت سی قیمتی جانوں کو بچانے میں مدد کی۔
