turky-urdu-logo

افغانستان میں پاکستانی سفارت خانے کے باہر بھگڈر سے 12 خواتین جاں بحق

افغانستان کے مشرقی شہر جلال آباد میں پاکستانی سفارت خانے کے باہر بھگڈر مچنے سے 12 افغان خواتین جاں بحق ہو گئیں۔

یہ واقعہ جلال آباد میں ایک کھلے اسٹیڈیم میں پیش آیا جہاں ہزاروں کی تعداد میں افغان شہری پاکستان کا ویزہ حاصل کرنے کے لئے جمع تھے۔

ننگرہار صوبے کے محکمہ صحت کے ترجمان ظاہر عادل نے بتایا کہ 12 خواتین مردہ حالت میں اسپتال لائی گئیں۔ کئی شدید زخمی خواتین کا علاج اسپتال میں جاری ہے۔ زیادہ تر ہلاکتیں بھگڈر مچنے اور ہجوم کے بے قابو ہونے سے پیش آئیں۔ کئی لوگ زمین پر گرے اور پھر انہیں دوبارہ اٹھنے کا موقع نہیں مل سکا۔

واضح رہے کہ پاکستان نے 29 ستمبر کو افغان شہریوں اور تاجروں کے لئے ملٹی پل ویزے کی سہولت کا اعلان کیا تھا تاکہ ویزے کے حصول کے لیے بار بار سفارت خانے جانے کی ضرورت نہ پڑے۔

دونوں ملکوں کے درمیان 2600 کلومیٹر طویل سرحد ہے جسے ڈیورنڈ لائن کہا جاتا ہے۔

Alkhidmat

Read Previous

گرم ہوا کے غبارے ایک بار پھرترک آسمان میں

Read Next

ترکی کے بحیرہ اسود خطے میں چرچ کے کھنڈرات دریافت

Leave a Reply