امریکا کی جانب سے میکسیکو اور کینیڈا پر 25 فیصد ٹیرف عائد کیا گیا ہے۔ اس ٹیرف کا نفاذ آج سے ہوگا۔
چین سے امریکا میں درآمد کی جانے والی اشیاء پر بھی اضافی چارجز آج سے نافذ العمل ہونگے۔
صدر ڈونلڈ ٹرمپ کے اقدام سے کینیڈا میں تیار ہو کر امریکا بھیجی جانیوالی اشیاء کی تیاری میں کمی کا خدشہ ہے جس سے ملازمتیں ختم ہوں گی اور افراط زر بڑھے گا۔
امریکی صدر ڈونلڈ ٹرمپ نے کینیڈا اور میکسیکو کے ساتھ ٹیرف کے معاملے پر کسی معاہدے کی کوششوں کو ناممکن قرار دیتے ہوئے کہا کہ دونوں ممالک کے ساتھ تجارتی ڈیل کا کوئی امکان نہیں ہے۔
