صدر ایردوان کا کہنا ہے کہ توانائی کے شعبے میں اپنے اقدامات کے ساتھ ترکیہ کا مقصد قدرتی گیس کی قیمتوں کے تعین کے لیے ایک عالمی مرکز بننا ہے۔
صدر ایردوان نے استنبول کے قریب زیر زمین گیس ذخیرہ کرنے کی سہولت کو توسیع دینے کے منصوبے کی تکمیل کے موقع پر تقریب سے خطاب کرتے ہوئے کہا کہ ہمارا مقصد اپنے ملک کو ایک عالمی مرکز میں تبدیل کرنا ہے جہاں قدرتی گیس کی قیمت کا جلد از جلد تعین کیا جا سکے۔
صدر ایردوان نے کہا کہ انقرہ قدرتی گیس پیدا کرنے والے اور برآمد کرنے والے بڑے مرکز، ماسکو کے ساتھ رابطے میں ہے۔
صدر نے اس بات پر زور دیا کہ وہ ترکیہ کو توانائی کا مرکز بنانے کے لیے ضروری اقدامات کر رہے ہیں۔
انکا کہنا تھا کہ ترکیہ مختصر اور درمیانی مدت میں یورپ میں توانائی کے عالمی بحران کی وجہ سے پیدا ہونے والے مسائل اور طویل مدتی ترقی کے اہداف کو آہستہ کرنے والے مسائل سے نمٹنے کے لیے تمام اقدامات کرتا رہے گا۔
صدر ایردوان اور ان کے روسی ہم منصب ولادیمیر پیوٹن نے اس بات پر تبادلہ خیال کیا کہ کس طرح ممالک ترکیہ کے تھریس علاقے میں قدرتی گیس کے مرکز کی تعمیر پر مشترکہ طور پر کام کر رہے ہیں۔
اس سال کے شروع میں اپنے روسی ہم منصب ولادیمیر پیوٹن کے ساتھ بات چیت کے بعد صدر ایردوان نے اعلان کیا تھا کہ روس کی تجویز کے بعد انقرہ اور ماسکو تھریس میں قدرتی گیس کا مرکز بنانے پر مل کر کام کریں گے۔
ترکیہ کی قدرتی گیس کی طلب گزشتہ برس تک 60 بلین کیوبک میٹر تک پہنچ چکی تھی۔
