ترک وزیر خارجہ حاکان فیدان اور نیٹو کے سیکرٹری جنرل جینز اسٹولٹن برگ نے بحیرہ اسود کے اناج کے معاہدے کی بحالی پر فون پر تبادلہ خیال کیا۔
فیدان اور اسٹولٹن برگ نے یوکرین میں ہونے والی تازہ ترین پیش رفت اور سویڈن کی نیٹو رکنیت پر بھی تبادلہ خیال کیا۔
یہ پیش رفت ترک صدر رجب طیب ایردوان کی اپنے روسی ہم منصب ولادیمیر پیوٹن سے ساحلی شہر سوچی میں ملاقات کے ایک روز بعد سامنے آئی ہے۔
دورے میں 2022 کے معاہدے کی بحالی جس نے خوراک کے عالمی بحران کو کم کرنے میں مدد کی تھی ایجنڈے میں سرفہرست تھا۔
اس جولائی میں، ماسکو نے ترکیہ اور اقوام متحدہ کی ثالثی میں ہونے والے معاہدے میں اپنی شرکت کو معطل کر دیاتھا تاکہ یوکرین کے بحیرہ اسود کی تین بندرگاہوں سے اناج کی برآمدات دوبارہ شروع کی جائیں جو فروری 2022 میں یوکرائن کی جنگ کے بعد روک دی گئی تھیں۔
ماسکو نے شکایت کی ہے کہ مغرب روس کی اپنی اناج کی برآمدات پر اپنی ذمہ داریوں کو پورا کرنے میں ناکام رہا ہے، اور یہ کہ یوکرین کا اناج ضرورت مند ممالک کو نہیں جا رہا ہے۔ اس کا کہنا ہے کہ ادائیگیوں، لاجسٹکس اور انشورنس پر پابندیاں اس کی ترسیل کی راہ میں رکاوٹ ہیں۔
ترکیہ کا کہنا ہے کہ کمیوں کو دور کرتے ہوئے معاہدے کو دوبارہ شروع کیا جانا چاہئے، اور اس کا کوئی متبادل نہیں ہے کیونکہ دیگر تجاویز "پائیدار، محفوظ اور دیرپا” ماڈل پیش کرنے میں ناکام رہی ہیں۔
