ترک قونصلیٹ جنرل لاہور درمش باشتو نے 100 ویں ترک یوم جمہوریہ کی یاد میں معززین شہر کے اعزاز میں عشائیہ کا اہتمام کیا۔
تقریب میں گورنر پنجاب بلیغ الرحمن، وزیر اعلٰی پنجاب محسن نقوی، چین اور ایران کےقونصلز جنرل، ڈی جی ریسکیو ڈاکٹر رضوان ، وائس چانسلر پنجاب یونیورسٹی ڈاکٹر خالد محمود، الخدمت فاؤنڈیشن کے نائب صدر عبدالشکور، لاہور چیمبر آف کامرس کے صدر کاشف انور اور دیگر کاروباری و سماجی شخصیات نے شرکت کی ۔
ترک قونصل جنرل لاہور درمش باشتو نے مہمانوں کو خوش آمدید کہا اور پاک ترک تعلقات کے فروغ پر گفتگو کی ۔
تقریب میں ترک صدر رجب طیب ایردوان کا ویڈیو پیغام بھی سنایا گیا۔
