Sehar Naseer 
نگران وزیراعلیٰ پنجاب محسن نقوی سے ترک قونصل جنرل امیر اوزبے نےملاقات کی۔
وزیراعلی محسن نقوی نے رجب طیب ایردوان کی کامیابی پر ترکیہ کے قونصل جنرل کو مبارکباد دی۔
ملاقات کے دوران باہمی دلچسپی کے امور، تعلقات، مختلف شعبوں میں تعاون بڑھانے پر تبادلہ خیال کیا گیا۔
وزیراعلیٰ نے ترکیہ کے صدر رجب طیب اردوان اور عوام کیلئے نیک خواہشات کا اظہار کیا۔محسن نقوی کا کہنا تھا کہ ترکیہ کی کمپنیوں کو پنجاب میں ہر طرح کی سہولتیں فراہم کرینگے۔
قونصل جنرل ترکیہ کا کہنا تھا کہ پاکستان اور ترکیہ کے درمیان تاریخی برادرانہ تعلقات ہیں۔ پنجاب کیساتھ مختلف شعبوں میں تعاون بڑھانے کیلئے اقدامات کرینگے۔
صوبائی وزیر اطلاعات و ثقافت عامر میر، آئی جی پنجاب، ایڈیشنل چیف سیکرٹری داخلہ، چیف ایگزیکٹو آفیسر پنجاب سرمایہ کاری بورڈ، سیکرٹری عملدرآمد وزیراعلیٰ، ایس ایس پی انویسٹی گیشن، ڈپٹی کمشنر لاہور بھی ملاقات میں موجود تھے۔
چیف ایگزیکٹو آفیسر لاہور ویسٹ مینجمنٹ کمپنی اور متعلقہ حکام بھی موقع پر موجود تھے۔
