استنبول —بین الاقوامی دفاعی صنعت میلہ 2025 کے دوران ترک دفاعی کمپنی کاتمرجی لر (Katmerciler) اور ملائیشیا کی ڈیفنس ٹیکنالوجی کمپنی ڈیفٹیک (DefTech) کے درمیان ایک اسٹریٹجک معاہدے پر دستخط کیے گئے ہیں، جس کے تحت دونوں ممالک مشترکہ طور پر EREN 4×4 بکتر بند گاڑی تیار کریں گے۔اس معاہدے کی خاص بات یہ ہے کہ گاڑی کی مقامی سطح پر پیداوار ملائیشیا میں کی جائے گی، جبکہ اسے خطے کے دیگر ممالک کو برآمد بھی کیا جائے گا۔ یہ اشتراک عسکری شعبے میں ترکیہ اور ملائیشیا کے مابین بڑھتے ہوئے تعاون کا واضح ثبوت ہے۔ترک حکام کا کہنا ہے کہ یہ معاہدہ نہ صرف دفاعی صنعت میں بین الاقوامی شراکت داری کو فروغ دینے کا باعث بنے گا بلکہ دونوں ممالک کی معاشی اور تکنیکی ترقی میں بھی اہم کردار ادا کرے گا۔
