فرانس کا شہر گوسین وِل روایتی ترک میلے کی میزبانی کر رہا ہے۔
ترک اسلامی یونین برائے مذہبی امور DITIB سے منسلک گوسینوِل اُلو جامع مسجد سوسائٹی کے زیرِ انتظام منعقدہ چھٹے روایتی ترک میلے میں اناطولیہ کے کھانوں اور ثقافت کو متعارف کروایا جا رہا ہے۔
میلہ، گوسین وِل میں خاص طور پر قائم کئے گئے کمپلیکس میں یکم جولائی کو شروع ہوا۔ میلے کے دوسرے دن زائرین نے مہتر بینڈ کی ہمراہی میں اور ترک پرچموں کے ساتھ میلے کے احاطے تک مارچ کی۔
ترک شہریوں کے ساتھ ساتھ فرانسیسی شہریوں کی بھی شرکت سے منعقدہ اس میلے میں ہالینڈ سے مہتر بینڈ، جرمنی سے ترک لوک موسیقی کے گروپ اور ترکی سے فنکار شامل ہیں۔
گوسین وِل سوسائٹی برائے کھیل و ثقافت کے سربراہ مصطفیٰ چیلیبی نے کہا ہے فیسٹیول سے ہمارا مقصد فرانس میں مقیم تیسری اور چوتھی نسل کو اور دیگر ثقافتوں سے منسلک افراد کو ترک ثقافت سے متعارف کروانا ہے۔
فیسٹیول میں ترکی کے سفیر سردار بیلین تیپے، پیرس کے اتاشی برائے دینی امور ابراہیم اشتان، گوسین وِل بلدیہ مئیر عبدالعزیز حمیدہ اور نائب بلدیہ مئیر ترک الاصل میلسا آرلاک جیلان نے بھی شرکت کی۔
