ozIstanbul

سال 2021 کاسب سے چھوٹا دن اور سب سے لمبی رات

موسمِ سرما میں ویسے تو دن چھوٹے جبکہ راتیں لمبی ہوجاتیں ہیں لیکن آج 22 دسمبر کو رواں سال 2021 کا سب سے چھوٹا دن اور سب سے لمبی رات ہے۔

آج سورج صبح 7 بج کر 13 منٹ پر طلوع (کراچی میں) ہوا اور غروبِ آفتاب شام 5 بج کر 48منٹ پر ہوا۔

اسی طرح دن کا دورانیہ 10 گھنٹے سے زائد پرمبنی ہوگا جبکہ رات 14 گھنٹے کی ہوگی۔

جیسے آج کا دن سب سے چھوٹا ہوگا ویسے ہی آج کی رات سال کی سب سے لمبی رات ہوگی۔

سال کے سب سے چھوٹے دن اور لمبی رات کے بعد 23 دسمبر سے دن کا دورانیہ بڑھنا اور رات کا کم ہونا شروع ہوجائے گا۔ تاہم 21 مارچ 2022 کو دن اور رات کا دورانیہ برابر ہوجائے گا۔

سال کے سب سے چھوٹے دن کو انگریزی میں winter solstice (راس الجدی) بھی کہا جاتا ہے۔

اسکا نام راس جدی اس لئے رکھا گیا ہے کیوں کہ سورج اس دن جدی کے برج میں موجود ہوتا ہے۔

خط جدی خط استوا کے نیچے موجود ہے. یہ اصل میں سب سے جنوب میں واقع جنوبی بلد ہے جس پر سورج سال میں ایک دفعہ پہنچتا ہے، خط جدی کا زاویہ 23.45 جنوب درجے ہے۔

اس کے علاوہ جنوبی نصف کرہ میں دن لمبے اور راتیں چھوٹی ہوں گی، جبکہ شمالی نصف کرّہ میں راتیں لمبی اور دن چھوٹے ہوں گے، یہی صورتحال جون میں الٹ ہوجاتی ہے، جب جنوبی نصف کرہ میں راتیں لمبی اور دن چھوٹے جبکہ دوسری جانب دن لمبے اور راتیں چھوٹی ہوجاتی ہیں۔

اگلے تین دنوں تک طلوع آفتاب کا وقت یہی رہے گا، البتہ سورج غروب ہونے کا وقت تبدیل ہوتا جائے گا۔

پچھلا پڑھیں

افغانستان: اربوں ڈالر کے منجمد اثاثوں کی بحالی کے لیے کابل میں احتجاج

اگلا پڑھیں

امریکہ: افغان صورتحال پر او آئی سی اجلاس کی میزبانی کرنے پر پاکستان کے مشکور ہیں

تبصرہ شامل کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے