
ترک قومی اسمبلی کے اسپیکر مصطفیٰ شن توپ نے پاکستان قومی اسمبلی کے اسپیکر راجہ پرویز اشرف اور سینٹ کے سربراہ صادق سنجرانی کو ٹیلی فون کر کے ملک میں سیلاب کی تباہ کاریوں پر افسوس کا اظہار کیا ہے۔
ترک قومی اسمبلی کے اسپیکر دفتر نے جاری کردہ بیان میں کہا ہے کہ مصطفی شن توپ، نے پاکستان قومی اسمبلی کے اسپیکر اشرف اور پاکستان سینٹ کے سربراہ سنجرانی کے ساتھ الگ الگ ٹیلی فونک رابطے کیے
انہوں نے پاکستان میں سیلاب کی آفت پر افسوس کا اظہار کیا اور فوری بحالی کی تمنا ظاہر کی ہے۔ شن توپ نے سیلاب میں جاں بحق ہونے والوں کے لئے اظہارِ تعزیت کیا اور زخمیوں کے لئے جلد صحت یابی کی تمّنا ظاہر کی ہے۔
مصطفیٰ شن توپ نے کہا ہے کہ” اچھے دنوں کی طرف دکھ درد میں بھی ہم ایک دوسرے کے ساتھ ہیں”۔
گفتگو میں دونوں ملکوں کے باہمی تعلقات، علاقائی و تازہ سیاسی صورتحال پر بھی بات چیت کی گئی۔
واضح رہے کہ پاکستان میں 14 جون سے جاری مون سون بارشوں، ان کے پیدا کردہ سیلابی ریلوں اور لینڈ سلائیڈنگ میں گیارہ سو باسٹھ اموات ہو چکی ہیں۔
شدید بارشوں کی وجہ سے 9 لاکھ 92 ہزار 871 مکانات کو نقصان پہنچا ہے، 7 لاکھ 27 ہزار 144 مویشی تلف ہو گئے اور تقریباً 3 کروڑ 30 لاکھ 46 ہزار افراد متاثر ہوئے ہیں۔
4 لاکھ 98 ہزار 442 سیلاب زدگان امدادی کیمپوں میں پناہ لئے ہوئے ہیں۔