ترکیہ کی پہلی مقامی الیکٹرک کار ٹوگ کی فروخت کا عمل شروع ہو گیا ہے۔
میعاری رینج ماڈل ٹی 10 ایکس کی قیمت 9 لاکھ 53 ہزار ترک لیرا سے شروع ہو کر 1.55 ملین لیرا تک ہو گی جبکہ طویل فاصلے کے ماڈل کی قیمت 1.215 ملین تھی۔
ٹی 10 ایکس ٹوگ کے پری آرڈر 16 سے 27 مارچ کو آن لائن لیے جائیں گے اور ڈیلیوری مارچ کے آخر میں شروع ہو گی۔
ریئر وہیل ڈرائیو کے ساتھ 160کلو واٹ پاور ٹی 10 ایکس کے لیے بیٹری کے دو مختلف اختیارات کے ساتھ، خریدار 314 کلومیٹر (195 میل) یا 523 کلومیٹر (325 میل) کے درمیان انتخاب کر سکتے ہیں۔
ٹی 10 ایکس کا پہلا ورژن 7.6 سیکنڈ میں 0 سے 100 کلومیٹر فی گھنٹہ کی رفتار بڑھانے کے قابل ہے، جب کہ دوسرا، جس کی ڈیلیوری 29 اکتوبر کو شروع ہوگی، 4.8 سیکنڈ میں 0-100 کلومیٹر فی گھنٹہ کی رفتار کے ساتھ سفر طے کر سکتا ہے۔
ڈرائیور الیکٹرک گاڑی کے لیے چھ مختلف رنگوں میں سے انتخاب بھی کر سکتے ہیں۔
