ترکیہ کے صدر رجب طیب ایردوان نے روسی ہم منصب سے گفتگو میں واضح کیا ہے کہ ترکیہ روس۔یوکرین جنگ کے منصفانہ اور پائیدار حل کے لیے اپنی کوششیں جاری رکھے گا۔
صدر ایردوان نے کہا کہ انقرہ ہر اُس سفارتی اقدام کی حمایت کے لیے تیار ہے جو براہِ راست مذاکرات اور مستقل سیاسی تصفیے کا راستہ ہموار کرے۔
ترکیہ اس سے قبل بھی جنگ بندی، قیدیوں کے تبادلے اور اناج معاہدے جیسے اقدامات میں سہولت کار کا کردار ادا کر چکا ہے، اور صدر ایردوان کا تازہ بیان اس بات کی تصدیق کرتا ہے کہ خطے میں امن کے لیے ترکیہ فعال سفارت کاری جاری رکھے گا۔
مزید کہا گیا کہ ترکیہ دونوں ممالک کے ساتھ بات چیت برقرار رکھتے ہوئے جنگ کے خاتمے اور علاقائی استحکام کے لیے اپنا کردار ادا کرتا رہے گا۔
