fbpx
ozIstanbul

پاکستانی وزیر خارجہ شاہ محمود قریشی تین روزہ دورے پر عراق پہنچ گئے

پاکستانی وزیر خارجہ شاہ محمود قریشی تین روزہ دورے پر عراق پہنچ گئے

دفترخارجہ سے جاری بیان کے مطابق بغداد بین الاقوامی ہوائی اڈے پر عراق کے نائب وزیر خارجہ ڈاکٹر صالح التمیمی، پاکستان میں عراقی سفیر حامد لفطہ، عراق میں پاکستان کے نامزد سفیر احمد امجد علی اور عراقی وزارت خارجہ کے سینئر حکام نے وزیر خارجہ شاہ محمود قریشی کا خیر مقدم کیا۔

وزیر خارجہ اپنے تین روزہ دورہ عراق کے موقع پر عراقی وزیرخارجہ فواد حسین اور عراق کی دیگر اعلیٰ قیادت کے ساتھ ملاقاتیں کریں گے۔

ان ملاقاتوں میں دو طرفہ تعلقات، تجارت، سرمایہ کاری، تعلیم، زراعت، انفارمیشن ٹیکنالوجی اور دفاع سمیت مختلف شعبوں میں دو طرفہ تعاون کے فروغ کے حوالے سے تبادلہ خیال ہو گا۔

دفتر خارجہ کے مطابق شاہ محمود قریشی عراقی قیادت کو مسئلہ فلسطین، مسئلہ کشمیر، افغان امن عمل سمیت اہم علاقائی امور پر پاکستان کے مؤقف سے آگاہ کریں گے، اس دوران پاکستان اور عراق کے مابین، او آئی سی، اقوام متحدہ اور اس کے ذیلی اداروں، کی سطح پر دو طرفہ تعاون پر فروغ بھی زیر بحث آئے گا۔

بیان میں کہا گیا ہے کہ وزیر خارجہ، ہر سال عراق جانے والے ہزاروں پاکستانی زائرین کی سہولت اور بہتر سفری انتظامات کے لیے عراقی قیادت سے بات چیت کریں گے۔

قبل ازیں وزیر خارجہ شاہ محمود قریشی عراقی ہم منصب کی دعوت پر آج صبح عراق کے 3 روزہ سرکاری دورے پر روانہ ہوگئے تھے۔

دفتر خارجہ سے جاری بیان میں کہا گیا تھا کہ وزیر خارجہ، عراقی ہم منصب فواد حسین سے ملاقات میں دوطرفہ تعلقات، کثیرالجہتی اداروں بالخصوص اقوام متحدہ، اس کے ذیلی اداروں اور اسلامی تعاون تنظیم (او آئی سی) میں دوطرفہ تعاون کے فروغ، مسلم امہ کو درپیش چیلنجز سمیت اہم علاقائی و عالمی امور پر تبادلہ خیال کیا جائے گا۔

شاہ محمود قریشی، عراق کے صدر برہام صالح سمیت عراق کی اعلیٰ قیادت سے بھی ملاقات کریں گے۔

پچھلا پڑھیں

ورلڈ چیمپین شپ: ترک جمناسٹ نے سونے کا تمغہ اپنے نام کر لیا

اگلا پڑھیں

ترکی آج 568واں یوم فتح منا رہا ہے 29 مئی 1453ء کو سلطان محمد فاتح نے قسطنطنیہ کی فصیلوں پرعثمانی پرچم لہرایا

تبصرہ شامل کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے