صدر رجب طیب ایردوان نے رمضان المبارک کے پہلے دن صدارتی کمپلیکس میں شہداء کے اہل خانہ کے ساتھ افطاری کی۔
عشائیہ پر اظہار خیال کرتے ہوئے صدر ایردوان نے کہا کہ ہر سال کی طرح وہ رمضان المبارک کے پہلے ہی دن شہداء کے اہل خانہ کے ساتھ افطار بانٹنا چاہتے تھے ۔
انکا کہنا تھا کہ میں اپنی قوم اور تمام عالم اسلام کو رمضان المبارک کی مبارکباد پیش کرتا ہوں۔
ہمارے شہداء کے لواحقین اور غازیوں کو ہماری قوم نے ہمارے سپرد کیا ہے۔
یہ ہمارا فرض ہے کہ ہم ان کے تمام مسائل میں ان کے ساتھ کھڑے ہوں، انہیں خوش کریں اور انکی دعائیں حاصل کریں۔
اس بات پر زور دیتے ہوئے کہ انہوں نے دفاعی صنعت میں اپنی سرمایہ کاری سے ترکیہ کو حقیقی طور پر ایک آزاد ملک بنا دیا ہے، صدر ایردوان نے کہا کہ ترکیہ ترقی کی راہ پر تیزی سے گامزن ہے۔
انکا کہنا تھا کہ ہمارے شہداء اور غازیوں کی قربانیوں اور 85 ملین کا شکریہ، جنہوں نے افواج میں شامل ہو کر اپنی آزادی اور مستقبل کا دفاع کیا، ہم نے ہمیشہ سیدھے راستے پر چلنا جاری رکھا ہے۔
صدر ایردوان نے مزید کہا کہ ظاہر ہے، ان لوگوں کی کوششیں، جو ہمارے ملک کو گھٹنوں کے بل گرا کر ترکیہ کو ایک بار پھر کمزور کرنا چاہتی ہیں وہ کبھی ختم نہیں ہوں گی لیکن یہ بات بھی حقیقت ہے کہ ہم ان ارداوں کو ہر گز کامیاب نہیں ہونے دیں گے۔
